Өскемен. Сағадат Нұрмағамбетов көшесі.
Сағадат Нұрмағамбетов көшесі - Өскемен қаласының тарихи орталығындағы ең көне көшелердің бірі. Революцияға дейін Шөп шолақ көшесі деп аталып келді. Ұлы Отан соғысы батырының есімі оған 2018 жылы берілді.
Тарихи анықтама:
Сағадат Қожахметұлы Нұрмағамбетов біздің өңірдің тумасы емес еді. Ол 1924 жылы Ақмола облысында дүниеге келген. Жетіжылдық мектепті аяқтаған соң туған ауылында оқу бөлмесін басқарды. 1942 жылы әскерге аттанды. 1943 жылы сәуірде пулеметшілер училищесін бітіргеннен кейін майданға аттанды. Ол пулемет взводын, пулемет ротасын, одан кейін атқыштар батальонын басқарды. Краснодар өлкесін, Украинаны, Молдованы, Белоруссияны азат етті. 1945 жылдың қысында Польшада фашистердің бекінген қорғанысын бұзып өтуге қатысып, ақпан айында Кеңес Одағының Батыры атағына ие болды.
Сағадат Нұрмағамбетовтің батальоны Гитлердің бекінісіне шабуыл жасау кезінде ерлік көрсетті.
1945 жылы 14 сәуірде Кюстрин плацдармында ол басқарған жауынгерлер қарсыластарының бес траншеясын басып алып, өз полкінің серпінін қамтамасыз етті, содан кейін үш сағатта Гуз қаласының шетін басып алды. Сол күні ұрыс шайқастарында батальон 200 гитлершіні, 18 атыс нүктесін, сегіз бекіністі жойып, жаудың 69 сарбазы мен офицерін тұтқындады. Төрт күннен кейін майор Нұрмағамбетовтың жауынгерлері Хермесдорф елді мекенінде жаудың үш қарсы шабуылына төтеп беріп, қарсы шабуылға шығып, шегініп бара жатқан жау тұсында Буков қаласына басып кірді. Бұл шайқастарда 100 гитлерші, он екі атыс нүктесі, үш танк және бір өздігінен жүретін зеңбіек жойылды.
23 сәуірде Нұрмағамбетов атқыштар батальоны бірінші болып Шпри өзенін басып өтіп, жау астанасының маңында бекінді. Келесі күні ол Берлинге кірді. Сағадат Нұрмағамбетовтың жауынгерлері Рейх канцеляриясының ғимаратына шабуыл жасады. Олардың есебінен осы күні 450-ден астам қаза тауып, 1560-тан астам фашистер тұтқынға алынды, тоғыз бекініс жойылды. Бұл шайқаста майор Нұрмағамбетов жараланды. Берлин операциясы кезіндегі ерліктері үшін ол екінші Алтын Жұлдызға ұсынылды, бірақ ол тек Қызыл Ту орденін алды.
Соғыстан кейінгі жылдары Сағадат Нұрмағамбетов әскери академияны бітіріп, Кеңес әскерінде қызметін жалғастырды.
1989 жылы армия генералы атағымен қызметінен кетті, бірақ 1991 жылдың қазан айында Қазақстан Республикасының Тұңғыш Президенті Нұрсұлтан Назарбаевтың Жарлығымен қызметке тағайындалды. 1992 жылы Сағадат Нұрмағамбетов Қазақстан Республикасының бірінші Қорғаныс министрі болды. 1994 жылы ол Қазақстанның Халық батыры (Халық Қаһарманы) атағына ие болды. 2013 жылы қайтыс болды.
